my blogger

काठमाडौँ — बनेपा नगरपालिका काभ्रे र मोर्डन कलेज भक्तपुरले तेक्वान्दो आईटीएफ नेपालका पदक विजेता ५ खेलाडीलाई सम्मान गरेका छन् । तेक्वान्दो आईटीएफ नेपालको संयोजनमा शुक्रबार राजधानीमा विभिन्न राष्ट्रिय तथा अन्तर्राष्ट्रिय प्रतियोगितामा पदक जितेका सस्मन बस्नेतसहित बिबिका बस्नेत, आशिष थापा, शान्तकुमार थापामगर र निशान्त लामिछाने सम्मानित भए । सस्मनलाई नगरपालिका र कलेजले २०–२० हजार रुपैयाँ प्रदान गरे । मोर्डनले उनलाई कक्षा ११ र १२ का अध्ययन गर्न शतप्रतिशत छात्रवृत्तिसमेत प्रदान गरेको छ । अन्य चारले पनि छात्रवृत्तिसहित सम्मान थापे ।

नेपालगन्ज — पाँचौ प्रधानमन्त्री कप महिला भलिबलको दोस्रो दिन शुक्रबार बंगलादेको नेपाल पुलिस र बंगलादेशको इफात क्लब विजयी भएका छन् । प्रधानमन्त्री कप महिला भलिबलमा बुधबार बंगलादेशी टोली इफातविरुद्ध स्पाइक गर्दै न्यु इन्द्रेणीका खेलाडी नेपाल पुलिसले भारतको देहरादुन क्लबलाई पन्छायो । पुलिसले २५–१, २५–१४, २५–१७ को सोझो सेटमा विजय प्राप्त गरेको थियो । बंगलादेशी टोलीले स्थानीय टोली न्यु इन्द्रेणी बागेश्वरी क्लबलाई २७–२५, २२–२२, २७–२४ को सोझो सेटमा हराएको हो ।

कास्की — पर्यटकीय सहर पोखराको तरकारीको माग धान्न तरकारी खेती गर्नेको लहर नै छ । कतिले आफ्नै र कतिले भाडामा जग्गा लिएर पनि तरकारी खेती गरेका छन् । बजारको माग थाहा पाएर तरकारी खेती गर्नेहरू मध्ये केवल गौतम पनि एक हुन् ।५१ वर्षीय गौतमको कम्मर मुनिको भाग चल्दैन । हीलचियरमै गुडदै पनि उनले चार वर्षयता गर्दै आएको तरकारी खेती जिल्लाका नमुना भएको छ ।  मिहिनेतअनुसार कारोबार हुँदा तरकारीले महिनाको एक लाख रूपैयाँ दिन्छ उनले भने मैले मौसमी बेमौसमी दुवैखाले तरकारी लगाउँछु । तरकारी खेतीमा लगानी बढाउन प्रधानमन्त्री कृषि आधुनिकीकरण परियोजनाले कृषकहरूसँग योजना माग गरेको थियो । कास्कीबाट अन्तिम छनोटमा परेका पाँच योजनामध्ये एक करोडको हाइटेक क्लीन हाउसको गौतमको पनि पर्‍यो । आफ्नो १५ प्रतिशत लगानी रहनेगरि बनाएको योजना पारित भएपछि अहिले त्यसैअन्तर्गत काम गरिरहेको गौतमले बताए ।  पहिले टनेलमा तरकारी लगाइथ्यो  अहिले जेठयता हाइटेक क्लीन हाउसमा खेती थालिएको छ  उनले भने  आफ्नो शरीरको अवस्था हेरेर परनिर्भर भइ बस्नुभन्दा सक्रिय जीवन नै मलाइ मनपर्छ ।  आफूलाई परिवार र साथीभाइबाट पनि उत्साह मिलेको उनले बताए । खा

ललितपुर — पाटनकी नवनियुक्त राजकीय जीवित देवी लायकु कुमारी ५ वर्षीया निहिरा वज्राचार्यको शनिबार प्रतिस्थापन पूजा हुँदैछ । पाटन तलेजुका पुजारीहरूले ०७० मा कुमारीका रूपमा छनोट गरेकी युनिका वज्रचार्यको रजस्वलापछि निहिरालाई माघ २२ मा छनोट गरिएको थियो । ललितपुर महानगरपालिकामा कुमारीको छनोट ह:ख बहालस्थित रत्नाकर महाविहारमा आबद्ध वज्राचार्य कुलकी पुत्रीहरूमध्येबाट ३२ लक्षणयुक्त कन्याको गर्ने परम्परा छ । पाटन तलेजुका पुजारी नीरन राजोपाध्यायका अनुसार छनोट भएकी कुमारीलाई तलेजुका मूल पुजारीको पटको टोलस्थित घरमा राखेर तान्त्रिक विधिपूर्वक गोप्य पूजा साधना गरिनेछ । पूजामा दीक्षान्त लिएका पुजारी र उनकी श्रीमतीबाहेक अन्य सार्वसाधारण बस्न मिल्दैन  उनले भने पूजापछि त्यहाँबाट सांस्कृतिक बाजागाजासहित रत्नाकर महाविहारस्थित कुमारी घरको सिंहासनमा राखेर तलेजुको तरबार मुकुट आदि पहिर्‍याइनेछ ।  प्रतिस्थापनपछि कुमारीका रूपमा रहेसम्म तोकिएको पूजापर्वबाहेक अन्य बेला घुमफिर गर्न मिल्दैन । रातोबाहेक अन्य रङको लुगा लगाउन पाइँदैन । कुखुराको मासु  अन्डा  प्याज बार्नुपर्ने कुमारी घरबाहिर पकाएको खानेकुरा खान र बाहि

बाजुरा — सदरमुकाम मार्तडीसम्म बाह्रै महिना गाडी चढ्ने बाजुरेलीको सपना छिट्टै पूरा हुँदैछ । २८ किलोमिटर सडक खण्डमा धमाधम कालोपत्रे भइरहेको छ । सदरमुकाम मार्तडी कच्ची सडकमार्फत दुई वर्षअघि राष्ट्रिय सडक सञ्जालमा जोडिएको थियो । कालोपत्रेको कामसमेत अबको एक महिनाभित्र पूरा हुनेछ ।यसअघि हिउँदका ६ महिनामात्रै गाडी गुड्थे । सदरमुकामसम्म अब बाह्रै महिना यातायातका साधन सञ्चालन हुने भएपछि स्थानीय उत्साहित छन् । गुईगाड र बूढीगंगाबाहेकका अन्य खोलामा पक्की पुलको निर्माण कार्य पनि अन्तिम चरणमा पुगेको छ । बार्जुगाढदेखि मार्तडीसम्म करिब २८ किलोमिटर लम्बाइको यो सडक खण्डको राप्कसम्म वर्षातअघि नै कालोपत्रेको काम सकिएको थियो । राप्क अगाडि मार्तडीसम्मको करिब ८ किलोमिटर खण्डमा कालोपत्रेका लागि संरचना निर्माण धमाधम भइरहेको छ ।  करिब एक महिनाभित्र सबै काम पूरा हुन्छ  निर्माण कम्पनीका साइट इन्चार्ज प्रेम थापाले भने ।मार्तडीसम्म डबल कटिङ टेवा पर्खाल निर्माण  सबबेस ग्राभेल ढलाइ, कल्भर्ट निर्माणलगायतका काम सम्पन्न भएका छन् ।  चिसो घट्नेबित्तिकै कालोपत्रेको बाँकी काम हुन्छ  परामर्शदातृ कम्पनीका प्रमुख इन्जिनियर

चारवटा एकीकृत नमुना बस्ती बनाएर समुदायलाई हस्तान्तरण गरेको धुर्मुस सुन्तली फाउन्डेसनले ‘नयाँ नेपाल’ परियोजनामा प्राविधिक सहयोगका लागि नेपाल इन्जिनियर्स एसोसिएसनसँग सम्झौता गरेको छ । हास्य कलाकार दम्पती सीताराम कट्टेल  धुर्मुस  र कुञ्जना घिमिरे  सुन्तली को नेतृत्वमा रहेको धुर्मुस सुन्तली फाउन्डेसन र एसोसिएसनबीच बिहीबार नयाँ नेपाल परियोजना सफल बनाउन प्राविधिक सहयोग र सहकार्य गर्ने विषयमा सम्झौता भएको हो । फाउन्डेसनले भूकम्प पीडितका लागि काभ्रे र सिन्धुपाल्चोकमा नमुना बस्ती बनाएर समुदायलाई हस्तान्तरण गरेका थिए । रौतहट चन्द्रपुर–८ स्थित सन्तपुरका बाढीपीडित दलित समुदायका लागि बनाएको नमुना बस्ती गएको माघ २३ गते समुदायलाई हस्तान्तरण गरेको फाउन्डेसनले महोत्तरीको बर्दिवासमा पनि मुसहरहरुका लागि नमुना बस्ती बनाएर हस्तान्तरण गरेको थियो । एसोसिएसनका उपमहासचिव इन्जिनियर रविभूषण झाको नेतृत्वमा फिल्ड सर्भेको काम सम्पन्न भइसकेको जानकारी दिएका धुर्मुसले बिहीबारबाटै डीपीआर र ईआए प्रक्रिया पनि अघि बढेको बताएका छन् ।  नयाँ नेपाल का लागि लेलेका सयौँ रोपनी सरकारी जग्गा चर्चेको र त्यसले सो क्षेत्रका हज